اربط المنتج بوصفة المكوّنات

الوصفة هي الخامات اللي المنتج بيستهلكها لما يتطلب. استخدمها عشان تربط بيع المنيو بحركة المخزون وتكلفة المكوّنات، وتعرف كل صنف بيحتاج إيه.

إضافة المكوّنات

1. اعمل أصناف المخزون، وراجع وحدة التخزين ووحدة المكوّن ومعامل التحويل.
2. افتح القائمة › المنتجات واختار المنتج.
3. من المكوّنات، دوس إضافة مكوّنات.
4. اختار صنف المخزون، واكتب الكمية المستخدمة لوحدة بيع واحدة.
5. راجع الوحدة المكتوبة جنب الكمية، واحفظ.
6. لو المنتج بأحجام، جهّز وصفة كل حجم حسب استهلاكه.
7. دوس مزامنة على الكاشير قبل تجربة البيع.

الخصم بيحصل إمتى؟

استهلاك البيع مرتبط بوضع الطلب، مش مستني الدفع. الكونسول بيسجل الحركة لما الطلب يترفع بالمزامنة، ودفع طلب بنفس الأصناف مش بيخصم الوصفة مرة تانية.

إلغاء الطلب بيرجّع الاستهلاك الأصلي. لكن إلغاء صنف مع اعتباره هالك بيسيب خاماته مستهلكة. تكلفة الوصفة الكاملة ممكن تختلف عن اللي خرج فعلًا من الرصيد لو المخزون المسجل مش كافي.

خيارات الإضافات ممكن يبقى ليها وصفات مستقلة برضه.

اقرا أصناف المخزون، والأحجام، والإلغاء والاسترداد.